Matlab Nikal Gayā Hai To Pahchānte Nahīñ
Yuuñ Jā Rahe Haiñ Jaise Hameñ Jānte Nahīñ
Apnī Ġharaz Thī Jab Tū Lipatnā Qubūl Thā
Bāñhoñ Ke Dā.Ere Meñ Simatnā Qubūl Thā
Ab Ham Manā Rahe Haiñ Magar Mānte Nahīñ
Ham Ne Tumheñ Pasand Kiyā Kyā Burā Kiyā
Rutba Hī Kuchh Buland Kiyā Kyā Burā Kiyā
Har Ik Galī Kī Ḳhaak To Ham Chhānte Nahīñ
Muñh Pher Kar Na Jaao Hamāre Qarīb Se
Miltā Hai Koī Chāhne Vaalā Nasīb Se
Is Tarah Āshiqoñ Pe Kamāñ Tānte Nahīñ
-Sahir
No comments:
Post a Comment