Use Achha Nahi Lagta!

Jis Guldan ko tum aaj apna kehte ho,

Uska Phool kabhi Humara tha, 

Wo jo Ab tum uske Mukhtaar ho to sun lo, 

Use Achha nahi lagta!

Meri jaan ke haqdaar ho to sun lo, 

Use Achha nahi lagta!

Ki wo jo zulf Bikhere to bikhri na Samajhna, 

Agar mathe pe aa jaye to Befikri na Samajhna, 

Dar-Asal Use aise hi Pasand hai, 

Uski Aazadi, Uski Khuli Zulfon main Band hai, 

Jante ho, 

Wo agar Hazaar baar apni Zulfen na saware uska guzara nahi hota, 

Waise dil bohot saaf hai uska in harkaton main koi ishara nahi hota, 

Khuda ke waste use kabhi rok na Dena, 

Uski Azaadi se use kabhi tok na dena, 

Ab main nahi tum uske dildaar ho to sunlo, 

Use Achha nahi lagta!

-Zakir-

#jashnerekhtaa #zakir #jashnerekhtaablogspot #Shayari